"U'i i roto i te tau ha'api'ira'a: CPIA

 

Pae o te taime teie no te fa’anahora’a Ethnocode faata’a hia no te mau CPIA no Atiti’a.Ua haamata hia i te hora 8h30 na roto i te tahi vauvaura’a i na opuara’a e piti, oia hoi : te opuara’a Biocode e no te taime matamua roa, ua faaite atoa hia te fa o te opuara’a Ethnocode.I muri a’e, ua fa’aite atoa mai teie mau U’i Api no Atiti’a te tahi mau hoho’a  e mau fa’aohipara’a e au ia rave e ta ratou mau ra'au tupu.

Ua tere atu matou i roto i te fa’aapu a Atiti’a tei reira ta ratou mau raau tupu. Ua fa’ati’a ato’a mai o HIRO Isidore te a’amu no te tumu ATI parau ato’a hia nei TAMANU e te tumu URU parau ato’a hia nei MA’I ORE.

No te pu’ohura’a tera mahana, ua ho’i atu matou e te mau CPIA i te station GUMP i roto i te piha ohipa Biocode : i reira ua fa’aohipa hia ratou e Rava, aivana’a i ni’a i te mau tumu ra’au no te fenua nei (mai tana e rave nei) e ua tu’u atoa ratou te tahi mau ha’amaramaramara’a i roto i tera « Base de donnees » faanahohia e Biocode. No te opaniroa ra’a atu, ua fa’aite atu matou te terera’a no te iritira’a i te ADN i roto i tera piha parau hia nei « Laboratoire Moleculaire ».

Ua ananatae teie mau U’I API i tera fa’anahora’a fa’atu’atira’a te huira’atira no Moorea e to ratou ite e te mau aivana’a no te ara mai.