E piti pu tuatapapara’a e vai nei i Moorea nei: te “UC Berkeley Richard B.GUMP South Pacific Research Station” e te pu CRIOBE (Centre de Recherches Insulaires et Observatoire de l’environnement).

Ua riro ato’a ra o Moorea ei vahi faata’a hia no te tahi opuara’a rahi oia hoi : te tuatapapara’a i te mau mea ora ato’a e vai nei i nia i te fenua.

No te tere maitaira’a o teie opuara’a « Moorea Biocode », e 520 mirioni farane ta te pu « Gordon and Betty Moore » i pupu mai. Teie opuara’a Moorea Biocode e rave hia ia e toru matahiti i te maoro. Ua ha’amata hia mai i te matahiti 2008 e e hope atu i te matahiti 2010. Ua haere mai na e e haere mai a te tahi mau aivana’a e pa’imi e e tuatapapa i te parau o te mau mea ora ato’a ( animara, ra’au tupu, to’a, etv...) i roto i te mau fa’a, i ni’a i te mou’a e tae roa atu i roto i te moana.

Ua faanaho hia te mau tapa’o, parau hia nei “ marqueurs genetiques” e te mau « identificateurs physiques » no te mau ra’au tupu, te mau animara o te fenua. Teie mau tuatapapara’a e faaite hia i to te ao nei, e nehenehe ia e faaohipa hia e te feia paruru natura (ecologistes) e te feia tuatapapa i te ihi ora (biologistes evolutifs) no te ao nei.